TIÄĐÁTTÂS
Tállán almostittettee

Aanaar sämmiliih rs, jurgâlus: Inarin saamelaiset ry, lii vuáđudum čohčâmáánust 2016 Anarist. Seervi jeessânvuotâ lii kuittâg áávus puoh anarâššáid päikkisaajeest huolâhánnáá, já ton tooimah iä lah räijejum tuše Anarân!

Seervi vuáđudemčuákkim tollui 7.9.2016 já vuáđudeijee jesâneh láá Neeta Jääskö, Jouni Aikio, Kirsti Kustula, Heikki Paltto já Jan Saijets. Vuáđudeijee jesâneh tuáimih koskâpuddâsâš stivrân vuossâmuu ihečuákkim räi.

Mii ulmen lii lääččiđ lase teivâdem- já savâstâllâmarenaid anarâššáid, kattiđ anarâškielâ já kulttuur sehe ovdediđ anarâšâi ovdâstem ohtâsâš aašij huolâtmist ohtâsâšpargoost eres servijguin já almolij hâldâttâhlájádâsâiguin já meridemorganijguin. Mij halijdep meiddei ovdediđ anarâšâi jieijâs tiäđu jieijâs kulttuurist, siärvusist já kielâst sehe huksiđ koskâvuođâid eres soojijn ässee anarâšâi kooskân.

Mij povdip puoh anarâšâid servâđ siärván já vuávááškyettiđ puáttee tooimâid vuossâmuu teivâdmist! Äigi já saje almottuveh forgâpalij.

Lasetiäđuh:
Neeta Jääskö
aanaarsammiliih@gmail.com